Архангел Михаил

Слушать тропарь Архангелу Михаилу

МОЛИТВА СВЯТОМУ АРХАНГЕЛУ МИХАИЛУ

О, Господи Боже Великий, Царю Безначальный, пошли, Господи,
Архангела Твоего Михаила на помощь рабу твоему (имярек), изъяти мя от враг моих, видимых и невидимых! О, Господень Архангеле Михаиле,
излей миро благостыни на раба своего (имярек).
О, Господень Архангеле Михаиле, демонов сокрушителю, запрети всем врагам, борющимся со мною, сотвори их, яко овцы, и сокруши их,
яко прах пред лицем ветра.
О, Господень Великий Михаиле Архангеле шестикрылатый,
первый Княже и Воеводо Небесных Сил, Херувим и Серафим!
О, чудный Архангеле Михаиле! Буди ми помощь во всем, в обидах,  в
скорбех, в печалех, в пустынях, на распутиях, на реках
и на морях тихое пристанище!
Избави мя, Великий Михаиле Архангеле, от всякия прелести диавольския,
eгда услышиши мя, грешнаго раба своего (имярек), молящегося тебе и призывающего имя твое святое, ускори на помощь мою,
и услыши молитву мою.
О, Великий Архангеле Михаиле! Победи вся противящиеся мне
силою честнаго и животворящего Креста Господня, молитвами Пресвятыя Богородицы и святых Апостол, и святого Николая Чудотворца, и святого Андрея юродивого, и святого пророка Илии, и святых великомученик Никиты
и Евстафия, Георгия Победоносца, Иоанна Воина, преподобных отец и святых святителей и мученики всех Святых Небесных Сил.
О, Великий Архангеле Михаиле!
Помоги мне, грешному рабу твоему (имярек), избави мя от труса, потопа, огня, меча, напрасныя смерти, от всякого зла, от врага льстивого, от бури наносимые и от лукавого избави мя, Великий Михаиле Архангеле Господень,
всегда ныне и присно, и во веки веков.
Аминь.

Тропарь

Небесных воинств Архистратиже, молим тя присно мы, недостойнии, да
твоими молитвами оградиши нас кровом крыл невещественная твоея
славы, сохраняющее нас, припадающих прилежно и вопиющих,
от бед избави ны, яко чиноначальниче вышних сил.

Кондак

Архистратиже Божий, служитель Божественныя славы, Ангелов
начальниче и человеков наставниче, полезное нам проси и велию милость, яко Бесплотных Архистратиже.

Величание

Величаем, величаем тя, Святый Архистратиже Божий Михаиле, Архангелы и Ангелы  и вся Воинства Херувимы и Серафимы, славящие Господа.